مدرسة الشيخ عبدالمقصود للتعليم الاساسي بالخطارة

عزيزي الزائر / عزيزتي الزائرة
يرجى التكرم بتسجيل الدخول إذا كنت عضو معنا أو التسجيل إن لم تكن عضو وترغب في الانضمام إلى أسرة المنتدى
سنتشرف بتسجيلك , مدرسة الشيخ عبدالمقصود بالخطارة
شكرا

نحو مستقبل افضل

رؤيــــة الروضة روضة متميزة تنمي الجوانب الايجابية  للطفل لتهيئته للمرحلة المقبلة في ظل المعايير القومية للتعليم

رسالة الروضة: تسعى روضة مدرسة الشيخ عبدالمقصود للتعليم الأساسي لتحقيق رؤيتها إلى الاهتمام بالتنمية المهنية للمعلمات  -  توفير الإمكانيات اللازمة لتنفيذ الأنشطة – مشاركة مجتمعية فعالة -قيادة تربوية فعالة في ظل القيم والمبادئ التربوية .                        

    زجل عن هموم الشعب المصري

    شاطر

    احمد ابوزيد احمد
    عضو جديد
    عضو جديد

    عدد المساهمات : 1
    تاريخ التسجيل : 02/05/2010

    زجل عن هموم الشعب المصري

    مُساهمة  احمد ابوزيد احمد في الثلاثاء مايو 04, 2010 5:00 am

    لقيت الفانوس مرة ودعكته -- طلعلى عفريت قاللى شبيك لبيك

    قلت خلاص الذل أنا ودعته -- ويا عفريت بالطلبات هاهريك


    قالى هأوأو يا إنسان -- دانا العفريت بن الجان


    ما يهمنيش مكان وزمان -- واطلب وعندى البرهان


    قلتله عاوز قمح زُرع فى مصر -- ومسؤولين يبطلوا فشر


    وحكومة متعصرنيش عصر -- ومرتب يسترنى لآخر الشهر


    وعاوز عيش بدون طوابير -- وحكومة ضد التبذير


    وانتخابات من غير تزوير -- ورئيس سابق أشوفه كتير


    وعاوز في بيتي كيلو دقيق -- وسبب مقنع لأي حريق


    ومجلس شعب بدون تصفيق -- وفى كأس العالم لينا فريق


    وعاوز أزور شرم الشيخ -- وصباعين كفتة اللى فى السيخ

    وأشرب مرة عصير بطيخ -- وأخرج من القسم بدون تلطيخ

    ونفسي الضحكة ترجع تانى -- وحتة لحمة كندوز أو ضانى

    وجنيه مصري زى البرانى -- ورصيف للمشي أنا وخلاني

    رد العفريت عليا بغشم -- وقال يا مصري ماكنش العشم

    بص.. أنا ممكن أنقلك الهرم -- وأسدلك الأوزون اللى اتخرم

    وأرجعك الأكل اللي أتهضم -- وأعملك بقرة من الغنم

    وأعملك قصر من العدم -- وأقولك معنى شرم برم

    بس طلباتك طلبات ملموس -- عقله خلاص أكله السوس

    ده تخطيط يا بنى ومدروس -- إنك تعيش على طول موكوس

    وأحنا بناخد منكوا دروس -- إزاى نخلى العفريت متعوس

    ويا رب ترجعنى تانى الفانوس -- وزى بعضه أعيش محبوس

    بدل ما أخرج واتبهدل زيك -- وأعيش موكوس على متعوس
    للامانةمنقول

      الوقت/التاريخ الآن هو الثلاثاء سبتمبر 19, 2017 1:45 pm